BALI ബാലി :
ആശാരിമാരുടെ ആരാധാനാമൂര്‍ത്തിയാണ് വാനര രാജാവായ ബാലി. ഈ തെയ്യത്തെ നേരത്തെ പറഞ്ഞ മൃഗദേവതകളുടെ കൂട്ടത്തില്‍ ഉലപ്പെടുത്താവുന്നതാണ്. ഇന്ദ്രന്റെ മകനും സുഗ്രീവന്റെ ജ്യേഷ്ഠനുമായ ബാലി കിഷ്കിന്ധയിലെ രാജാവായിരുന്നു. ബാലിയെ ചതിയില്‍പ്പെടുത്തി വിഷ്ണുവിന്റെ അവതാരമായ ശ്രീരാമനെക്കൊണ്ട് കൊല്ലിക്കുകയായിരുന്നു സഹോദരനായ സുഗ്രീവന്‍. ഇതിഹാസ ഗ്രന്ഥമായ രാമായാണത്തിലെ കഥാപാത്രമാണ് ബാലി.
ഉത്തര കേരളത്തിലെ ആശാരി, മൂശാരി, കൊല്ലൻ, തട്ടാൻ എന്നീ നാങ്കുവർണക്കാരുടെ കുലദൈവമാണ് ബാലി. ഇതിനു പുറമെ കരിങ്കല്ലിൽ പണിയെടുക്കുന്ന കല്ലാശാരിയെ കൂടി ചേർത്ത് ഐങ്കുടിക്കമ്മാളർ നെടു ബാലിയാനെ പരിപാലിക്കുന്നു എന്ന് കൂടി പറയാറുണ്ട്.
സൂര്യതേരാളിയും ഗരുഡ സഹോദരനുമായ അരുണന് ഇന്ദ്രസഭയായ അമരാവതിയില്‍ ചെന്ന് ദേവസ്ത്രീകളുടെ നൃത്തം കാണണമെന്ന് മോഹം തോന്നി. അങ്ങിനെ വേഷം മാറി സ്ത്രീ രൂപത്തില്‍ ചെന്ന അരുണനെ കണ്ടു ദേവേന്ദ്രന്‍ കാമ മോഹിതനായി തീര്‍ന്നു.. അതില്‍ അവര്‍ക്കുണ്ടായ പുത്രനാണ് ബാലി. പിന്നീട് വീണ്ടും അരുണന്റെ ഇതേ രൂപം കണ്ടു സൂര്യന് മോഹം തോന്നുകയും സുഗ്രീവന്‍ ഉണ്ടാവുകയും ചെയ്തുവത്രേ. തന്റെ കാല ശേഷം കിഷ്ക്കിന്ദ ഭരിക്കാന്‍ അന്തരാവകാശികള്‍ ഇല്ലാതെ വിഷമിച്ച ഋഷരചസ്സിന് ദേവേന്ദ്രന്‍ ഈ രണ്ടു മക്കളെയും നല്‍കി. ഏവരെയും അതിശയിപ്പിക്കുന്ന സഹോദര സ്നേഹത്തോടെ അവര്‍ അവിടെ വളര്‍ന്നു. ഋഷരചസ്സിന്റെ മരണശേഷം ബാലി കിഷ്കിന്ധാധിപതിയായി.
ബാലിയുടെ പ്രത്യേകത ബാലിക്ക് ലഭിച്ച വരമായിരുന്നു. ബാലിക്കെതിരെ യുദ്ദം ചെയ്യാന്‍ വരുന്ന ശത്രുവിന്റെ പകുതി ശക്തി കൂടി ലഭിക്കും എന്നതായിരുന്നു ദേവേന്ദ്രന്‍ നല്‍കിയ ആ വരം. അത് കൊണ്ട് തന്നെ ബാലിയെ യുദ്ധത്തില്‍ കീഴ്പ്പെടുത്താന്‍ കഴിയുമായിരുന്നില്ല. ബാലിയെ യുദ്ധത്തിനായി വെല്ലുവിളിച്ച രാവണന്റെ പകുതി ശക്തി കൂടി ലഭിച്ച ബാലി ഒരിക്കല്‍ രാവണനെ വാലില്‍ ച്ചുറ്റിയെടുത്ത് ലോകം മുഴുവന്‍ സഞ്ചരിച്ചുവത്രേ. എന്നാല്‍ ഇതേ ബാലിയെ ഹനുമാന്‍ ഒരിക്കല്‍ ദ്വന്ദ യുദ്ധത്തില്‍ പരാജയപ്പെടുത്തുകയുണ്ടായത്രേ.
ബാലിയും സുഗ്രീവനും തമ്മിലുള്ള വൈരാഗ്യത്തിന്റെ കഥ തുടങ്ങിയത് രാവണന്‍ ചതിയില്‍ ബാലിയെ വധിക്കാനായി അയച്ച മായാവി എന്ന രാക്ഷസനുമായി (അസുര ശില്‍പ്പിയായ മയന്റെ പുത്രന്‍ മായാവി) യുദ്ധം ചെയ്യാന്‍ രാക്ഷസന്റെ ഗുഹയിലേക്ക് കയറി പോയപ്പോള്‍ ബാലി ഗുഹാകവാടം ബന്ധിക്കാന്‍ സുഗ്രീവനോട് ആവശ്യപ്പെട്ടുവത്രെ. എന്നാല്‍ രാക്ഷസന്റെ മായയാല്‍ തെറ്റിദ്ധരിക്കപ്പെട്ട സുഗ്രീവന്‍ ബാലി മരിച്ചെന്ന് കരുതി ഗുഹാകവാടം തുറക്കാതെ പോയത്രേ. അങ്ങിനെ സ്വയം ഗുഹാകവാടം തുറന്ന് പുറത്ത് വന്ന ബാലി സുഗ്രീവനെ കൊട്ടാരത്തില്‍ നിന്ന് പുറത്താക്കുകയും അദ്ദേഹത്തിന്റെ ഭാര്യയായ രൂമയെ സ്വന്തമാക്കുകയും ചെയ്തുവത്രേ. ബാലിക്ക് തന്റെ അനുജനായ സുഗ്രീവന്‍ അബദ്ധത്തില്‍ ചെയ്ത തെറ്റ് ക്ഷമിക്കുവാനായില്ല. അങ്ങിനെ മായാവിയുടെ ചതിയില്‍ ബാലിയും സുഗ്രീവനും ശത്രുക്കളായി മാറി. ബാലിയെ പേടിച്ചു സുഗ്രീവന്‍ ഋഷ്യമൂകാചാലത്തില്‍ പോയി ഒളിക്കുകയാണുണ്ടായത്. (മുനിമാരുടെ ശാപത്താല്‍ ബാലിക്ക് അവിടെ കയറി ചെല്ലാനാവില്ല. കയറിയാല്‍ ബാലിയുടെ തല പൊട്ടിത്തെറിക്കുമത്രേ.)
ഇങ്ങിനെ ശത്രുതയിലായ സുഗ്രീവനാണ് സീതയെ അന്വേഷിക്കുന്ന ശ്രീരാമനുമായി സഖ്യത്തിലേര്‍പ്പെടുന്നതും ബാലിയെ യുദ്ധത്തിനു വെല്ലുവിളിച്ചു കൊണ്ട് ശ്രീരാമനെകൊണ്ട് ബാലിയെ സപ്തസാല വൃക്ഷത്തിന്റെ പിന്നില്‍ നിന്ന് ഒളിയെമ്പ് എയ്തു കൊല്ലിക്കുന്നതും തുടര്‍ന്നു കിഷ്കിന്ധയിലെ രാജാവ് ആകുന്നതും. അമ്പേറ്റ് നിലത്ത് വീണ ബാലി താന്‍ ചെയ്ത തെറ്റുകള്‍ എന്താണെന്ന് ശ്രീരാമനോട് ചോദിച്ചപ്പോള്‍ സഹോദരനെ മകനായി കാണണമെന്നും അവന്റെ ഭാര്യയെ സ്വന്തമാക്കിയത് പൊറുക്കാനാകാത്ത തെറ്റാണെന്നും മറുപടി കൊടുത്ത് തന്റെ വിശ്വരൂപം കാട്ടികൊടുത്ത് ബാലിക്ക് മോക്ഷം കൊടുത്തുവത്രെ.
ആശാരിമാരുടെ കുലദൈവമായ ബാലി കെട്ടിയാടുന്നത്‌ വണ്ണാന്‍ സമുദായക്കാരാണ്. വടുക രാജാവ് തന്റെ കൊട്ടാരത്തില്‍ ബാലിയെ ആരാധിച്ചിരുന്നു. അവിടെ ജോലി ചെയ്യാന്‍ പോയ മണ്ണുമ്മല്‍ ആശാരിയുടെ ആരാധനയും പ്രാര്‍ത്ഥനയും കണ്ടു ദൈവം ആശാരിയുടെ വെള്ളോല മേക്കുട ആധാരമായി എരമം നാട്ടില്‍ മണ്ണുമ്മല്‍ (മണ്ണുവിങ്കല്‍) തറവാട് പടിഞ്ഞാറ്റയില്‍ എത്തിയെന്നാണ് പറയപ്പെടുന്നത്. പിന്നീട് മൊറാഴ, വടക്കും കോവില്‍, കുറുന്താഴ, വെള്ളാരങ്ങര, കൊക്കാനിശ്ശേരി, മാങ്ങാട് എന്നിവിടങ്ങളിലും അവിടെ നിന്നും എല്ലാ ആശാരി ക്ഷേത്രങ്ങളിലും ഈ ദേവനെ ആരാധിക്കാന്‍ തുടങ്ങി എന്നുമാണ് ഐതിഹ്യം. പൊതുവേ ആശാരിക്ഷേത്രങ്ങളില്‍ മാത്രമേ ഈ തെയ്യം കെട്ടിയാടാറുള്ളൂ.
ബാലി സുഗ്രീവ വധവും മറ്റും ഈ തെയ്യം ആംഗ്യം കൊണ്ട് കാണിക്കും. തലശ്ശേരി അണ്ടലൂര്‍ കാവില്‍ സുഗ്രീവനെ കൂടി കെട്ടിയാടിക്കാറുണ്ട്. ബാലി സുഗ്രീവ യുദ്ധവും അവിടെ കാണിക്കാറുണ്ട്.
അണ്ടലൂർ കാവിലെ സുഗ്രീവനുമായി യുദ്ധം ചെയ്യുന്ന ബാലിയും മറ്റു കാവുകളിലെ ബാലിയുമായി (നിടുംബലിയാൻ) വളരെ വ്യത്യാസമുണ്ട്. ബാലി സുഗ്രീവ യുദ്ധത്തിലെ ബാലിയും നിടുംബലിയാനും രണ്ടു സങ്കൽപ്പത്തിലുള്ളതാണ്.
എരമവും കുഞ്ഞിമംഗലവും ഉത്തരമലബാറിന്റെ മാത്രമായ രാമായണം നിർമിതിയിൽ പ്രധാന ദേശങ്ങളാണ്. എരമത്തെ മേലാശാരി ബാലിയെ കണ്ടെടുത്തു കുഞ്ഞിമംഗലത്തെ കുറുവാട്ട്‌ പെരുവണ്ണാന്മാർ ബാലിക്ക് ആട്ടവും പാട്ടുമുണ്ടാക്കി. പിന്നീട് പരിയാരത്തും കണ്ണപുരത്തും പല പല ദേശങ്ങളിലായി ബാലി രാമായണപ്പടർച്ചകളുണ്ടായി. പയ്യന്നൂരിനടുത്ത് എരമത്താണ് ആദ്യമായി ബാലിയെ കെട്ടിയാടിക്കുന്നത്.
എരമം മണ്ണുമ്മൽ പടിഞ്ഞാറ്റയാണ് ബാലിയുടെ ആരൂഢം. പിന്നീട് കുഞ്ഞിമംഗലത്തെ മൂശാരിക്കൊവ്വലിനടുത്തുള്ള വടക്കൻ കൊവ്വലിലെത്തി. എന്നാൽ മുന്പുസ്ഥാന പ്രകാരം എരമം കഴിഞ്ഞാൽ മൊറാഴയും കുറുന്താഴയുമാണ് തെയ്യസ്ഥനങ്ങളായി വരുന്നത്. കുഞ്ഞിമംഗലത്തെയും പരിയാരത്തേയും കനലാടിമാർ ആണ് ബാലിയുടെ തോറ്റം പാട്ടുകൾ എന്ന രാമായണപ്പാട്ടുകൾ കെട്ടിയുണ്ടാക്കിയതെന്നു പറയപ്പെടുന്നു.
' ചെന്നിതു കാലം കുറഞ്ഞൊന്നു പിന്നെയും
വന്നിതു ബാലി മഹാബലവാൻ തദാ
കല്ലിട്ടു ഞാൻ വിലദ്വാരമടച്ചതു
കൊല്ലുവാനെന്നോർത്തുകോപി ച്ചു ബാലിയും "
ബാലി വെള്ളാട്ടം
To watch out the documentary about Bali:
https://youtu.be/sOVlMBJ7iHo?si=Hew7wcOFnbkLE3iy
ബാലി തെയ്യം വീഡിയോ കാണാന്‍;
http://www.youtube.com/watch?v=LHcK6kbgbSs
കടപ്പാട്: പ്രിയേഷ് എം.ബി.
മുന്നൂറ്റി ഒന്നാമത്തെ രാമായണം
ബാലി തെയ്യത്തിന്റെ പിന്നിലെ പുരാവൃത്തങ്ങൾ പരിശോധിക്കുന്ന ഒരു പഠനമാണ് ശ്രീ വി.കെ. അനിൽകുമാറിന്റെ മുന്നൂറ്റി ഒന്നാമത്തെ രാമായണം എന്ന കൈരളി ബുക്സ് പ്രസിദ്ധീകരിച്ച പുസ്തകം. അനീതിക്കെതിരായ ബാലി കേന്ദ്ര കഥാപാത്രമാകുന്ന ബാലി തെയ്യത്തിന്റെ പാഠം. അവതരണ രീതി, അവതരണത്തിന് പിന്നിലെ സാംസ്കാരിക സന്ദർഭങ്ങൾ എന്നിവ വിശകലനം ചെയ്യുന്നു.
BALI :
Bali, the monkey king, is the worship idol of the Asaris.
This Theiya can be included among the animal deities mentioned earlier. Bali, son of Indra and elder brother of Sugriva, was the king of Kishkindha. His brother Sugreeva tricked Bali into killing him with Sri Rama, an incarnation of Vishnu. Bali is a character in the epic Ramayana.
Arunan, son of Suryatherali and brother of Garuda, felt a desire to go to Amaravati, the temple of Indra, and see the dance of the goddesses. Devendran saw Arun, who disguised himself as a woman, and became infatuated.. Bali was the son they had. Later, seeing the same form of Arun, Surya felt lust and Sugreeva was born. Devendra gave these two sons to Risharachas who was worried about having no heirs to rule Kishkinda after his time. They grew up there with brotherly love that amazed everyone. After the death of Risharachas, Bali became the ruler of Kishkindha.
Bali's specialty was the blessing that Bali received. The boon given by Devendra was that he would get half the strength of the enemy coming to fight against Bali. Bali could not be subdued in war because of that. Having gained half the strength of Ravana, who challenged Bali to a battle, Bali once carried Ravana by his tail and traveled around the world. But this same Bali was once defeated by Hanuman in a duel.
The story of the enmity between Bali and Sugriva begins when Ravana went to the demon's cave to fight the demon Mayavi (Mayavi, the son of the asura sculptor Maya) who had been sent to kill Bali by deception, and Bali asked Sugriva to close the cave gate. But Sugriva, misled by the demon's vanity, thought that Bali was dead and left the cave door without opening it. Thus Bali opened the cave gate himself and expelled Sugriva from the palace and took possession of his wife Ruma. Bali could not forgive his younger brother Sugreeva for his mistake. Thus Bali and Sugrivan became enemies due to Mayavi's trick. Fearing Bali, Sugreeva went and hid in Rishyamookachalam. (Bali cannot enter there due to the curse of the sages. If he does, Bali's head will explode.)
It is Sugriva who is thus enmity who joins forces with Sri Rama who is searching for Sita, challenges Bali to a battle and kills Bali with an arrow from behind the Saptasala tree and then becomes the king of Kishkindha. When Bali fell on the ground with an arrow, he asked Sri Rama what mistakes he had made, and he replied that he should see his brother as his son and that taking his wife was an unforgivable mistake.
Bali, the family deity of carpenters, is tied by the Vannan community. King Vaduka worshiped Bali in his palace. It is said that after seeing the worship and prayers of Mannummal Asari, who went to work there, God came to the ancestral home of Mannummal (Mannuvinkal) in Eramam Nadu, using the Vellola Mekuda of Asari as the base. Legend has it that later this deity began to be worshiped in Morazha, Vadakum Kovil, Kurunthazha, Vellarangara, Kokanissery, Mangad and from there in all the Asari temples. Generally this theyam is tied only in Asari temples. Bali Sugriva Vadha etc. will be shown with this Theyam gesture. Thalassery Andalur Kavil Sugreevan is also tied up. The battle of Bali Sugriva is also shown there.
To watch Bali Theyam video;
http://www.youtube.com/watch?v=LHcK6kbgbSs
Credit: Priyesh MB